Vir baie jare was jy alom bekend

as die dorp met die oudste gebou.

Vroeër was jy Klipfontein se monument

met ds Heinrich Schmelon wat van jou hou.

Ds. Schmelon verlaat jou oor kerkloosheid

alhoewel hy op sy knieë voor jou kruip.

Warmbad se 1811 kerk as oudste besluit

terwyl jy hard spook om alles vas te gryp.

Jou Schmelonhaus van 1814 verhaal

die Klipkerk en toring jare later voltooi.

Jou dorre en droë rotsagtige vlaktes staal

hulself teen die natuur se aanslae as prooi.

Om jou lê die lope van die Konkiep rivier

met die Schwartz rand wat regs uit troon.

Eens het die Rooi Nasie jou velde bestuur

en is die eerste koopkontrak hier vertoon.

Tussen Goageb en Helmeringhausen lê Bethanie

Hier waar mense erken daar is min jou eweknie!